Lærðu hvernig Heimkoma virkar og af hverju þetta er svona snjöll lausn.
Heimkoma er ekki „time share“ og ekki leiga – heldur raunverulegt eignarhald með sanngjörnu og einföldu fyrirkomulagi. Hér lærir þú allt sem þú þarft til að taka upplýsta ákvörðun.
Eignarhald sem virkar fyrir alla - vegna þess að það eru reglur
Heimkoma sameinar 12 fjölskyldur sem saman kaupa 3 frístundaeignir. Þú eignast hlut í öllum eignunum og færð 12 vikur á ári. Þú bókar svo í gegnum vef/app og nýtur eignanna án þess að þurfa að hugsa um viðhald, rekstur eða daglega umsjón.
Þetta á við um samfélög með 3 eignum, einnig verður boðið uppá samfélög með stökum húsum.
100%
8%
84 dagar
Er heildar dagafjöldi sem skiptist jafnt milli húsana. Þú getur verið um mánuð í hverju húsi.
12 vikur
Ágætt að hafa í huga að 84 dagar eru 12 vikur – sem þýðir að þú getur verið nokkrar vikur og svo slatta af helgum.
4 vikur
er tíminn í hverju húsi. Kerfið okkar gerir fólki kleift að skipta við aðra eigendur ef þú vilt vera lengur í einu húsi og minna í öðru.
3 hús
Eignirnar eru á mismunandi svæðum. Til dæmis suður, vestur og norðurlandi. Stundum langar þig á skíði, stundum að slaka á við sjóinn og stundum í golf.
Reglur
Reglur sem tryggja jafnræði og gæði
Heimkoma er hönnuð til að tryggja sanngirni fyrir alla eigendur. Með skýrum reglum og bókunarkerfi er tryggt að allir njóti réttinda sinna. Nánar um reglur.
Afhending hafin á fyrsta samfélagi Heimkomu
Heimkoma er farin að afhenda fyrstu húsin til eigenda. Nú er hægt að taka við fyrsta húsinu og byrja að bóka dagana sína strax. Svona virkar afhendingarferlið, greiðslurnar og vörslureikningurinn hjá Arion Banka.
Annað húsið komið í sýningu – Heimkoma á Akureyri
Heimkoma hefur fest kaup á öðru húsinu í fyrsta þriggja húsa samfélaginu. Húsið stendur við Hafnarstræti á Akureyri með frábæru útsýni yfir Pollinn. Afhending verður í byrjun júní eftir að Heimkoma hefur lokið uppfærslu og innréttingum.
Fyrsta húsið keypt og uppfærsla hafin. Upphaf fyrsta samfélags Heimkomu.
Heimkoma hefur keypt sitt fyrsta frístundahús í Húsafelli. Þetta er fyrsta eignin í fyrsta samfélagi Heimkomu og markar stóran áfanga í vegferð verkefnisins.
Bókanir
Bókaðu í appinu – 1 daga eða 2 ár fram í tímann
Þú bókar dvöl í kerfi Heimkomu með einföldum hætti. Þú getur skipulagt helgar, sumarfrí eða styttri dvöl með stuttum fyrirvara. Ef þú vilt breyta dagsetningum eða skiptast á dögum við aðra í samfélaginu, er það líka hægt – allt innan öruggs og skýrs kerfis.
Reglurnar eru skýrar
Reglur gera þetta einfalt
Þetta er einfalt og gengur útá það að reglurnar eru skýrar og þekktar frá upphafi. Ekkert kemur á óvart.
Allar reglur eru fyrirliggjandi frá upphafi og eru skrifaðar til að hámarka réttláta notkun og eyða óvissu. Reglurnar voru skrifaðar í samvinnu við BBA//Fjeldco.
Allar eignir Heimkomu uppfylla H-klassa gæðastaðal
Allar frístundaeignir Heimkomu eru uppfærðar, staðlaðar og reknar samkvæmt skýrum gæðastaðli sem við köllum H-Klassa.
H-Klasi tryggir samræmd gæði, hágæða upplifun og áhyggjulausa notkun – óháð því hvaða eign er nýtt hverju sinni.
Heimkoma hannar almennt ekki húsin frá grunni, heldur velur eignir af kostgæfni og uppfærir þær til að uppfylla okkar kröfur.
Við vinnum eingöngu með fagaðilum á hverju sviði og notum viðurkennd og vönduð vörumerki sem standast kröfur okkar um gæði, endingu og notagildi.
Samræmdur gæðastaðall
Allar eignir Heimkomu fylgja sama H-klassa staðli. Það tryggir jafnt gæðastig, fagmennsku og upplifun í öllum eignum – óháð aldri, staðsetningu eða upprunalegri hönnun hússins.
Innréttingar og húsgögn
Eignir eru uppfærðar með vönduðum innréttingum og húsbúnaði frá leiðandi framleiðendum. Val á efnum, húsgögnum og lausnum miðast við mikla notkun, auðvelt viðhald og tímalaust útlit.
Nútíma þægindi og tækni
Allar eignir eru fullbúnar til notkunar allt árið og útbúnar nútímalegum lausnum þar sem við á – svo sem hraðvirku neti, öryggiskerfum og snjalllausnum. Allt er sett upp með notendavænni upplifun og einfaldri umsjón að leiðarljósi.
Heilsu- og slökunaraðstaða (þar sem við á)
Þar sem aðstæður leyfa eru eignir uppfærðar með heitum og köldum potti, gufubaði eða sambærilegri aðstöðu. Slík aðstaða er valin og sett upp af fagaðilum og hönnuð til notkunar allt árið.
Heimkoma sér um allt – þú nýtur frístundanna
Með Heimkomu fylgir áhyggjulaust eignarhald. Sem eigandi þarft þú ekki að sinna rekstri, greiðslum eða viðhaldi. Við sjáum um alla umsýslu, svo þú getir notið frístundanna í vönduðum eignum – án stress, skuldbindinga eða fyrirhafnar.
Heimkoma sér meðal annars um:
Allt utanumhald og daglegan rekstur
Heimkoma annast allan daglegan rekstur eignanna fyrir hönd eigenda. Þú þarft ekki að hafa yfirsýn yfir reikninga, samninga eða þjónustuaðila – allt er skipulagt, greitt og haldið utan um í einu kerfi.
Öll föst gjöld og rekstrarliði
Við höldum utanum og greiðum öll opinber gjöld, tryggingar, rafmagn, hita, net og öryggiskerfi. Þessi atriði eru hluti af rekstrinum og innifalin í fyrirkomulaginu, án þess að þú þurfir að gera nokkuð.
Reglubundið eftirlit og faglegt viðhald
Eignirnar eru yfirfarnar reglulega samkvæmt skilgreindum verkferlum. Það felur í sér meðal annars músavarnir, fúavernd, hreinlætisúttektir og almennt ástandseftirlit til að tryggja að eignirnar haldist í toppstandi til lengri tíma.
Fagþrif og að eignir séu alltaf tilbúnar til notkunar
Fagþrif fara fram reglulega og eftir þörfum. Markmiðið er að eignin sé alltaf hrein, snyrtileg og tilbúin þegar þú mætir – án þess að þú þurfir að hugsa um undirbúning.
Samræmd gæði og áhyggjulaus upplifun
Heimkoma tryggir að allar eignir uppfylli H-klassa gæðastaðal. Það þýðir samræmd gæði, góð aðstaða og fagleg umsjón, óháð því hvaða eign þú nýtir hverju sinni.
"Mér fannst alltaf sumarhús vera bara fyrir fólk með haug af peningum og tíma. En þegar ég sá hvernig þetta virkar sá ég loksins að þetta væri raunverulega mögulegt fyrir fjölskyldu eins og okkar.”
Viðmælandi í rannsókn - Fjölskyldufaðir í Hafnarfirði
Upplýsingar
Lesefni, bæklingar og greinar
Við höfum tekið saman fjölda greina um fjármögnun, sameign, þjónustu og allt sem viðkemur eignarhaldi frístundaeigna. Greinarnar hjálpa þér að taka upplýsta ákvörðun.
Lesa meira?
Allt okkar efni liggur á þessum vef og er aðgengilegt fyrir þig til að kynna þér málið frekar
Póstlisti
Algengar spurningar - FAQ
Hvað fæ ég sem eigandi?
Þú eignast hlut í einni eða fleiri fasteignum með öðrum eigendum og færð daga til afnota í samræmi við eignarhlut og fjölda eigna. Þú færð líka áhyggjuleysi vegna umsjónar og reksturs Heimkomu á þinni eign.
Er þetta "time share" eða leiga?
Getur Heimkoma breytt reglum?
Hver sér um daglegan rekstur?
Hvað gerist ef eigendur brjóta reglur?
Allar reglur um samfélagið eru skrifaðar með það í huga að vernda þá sem vilja skýrar reglur og fara eftir þeim. Ítrekuð og alvarleg brot á reglum geta leitt til alvarlegra afleiðinga.
