Blog, Eignarhald, Heimkoma Reykjavík

Heimkoma Reykjavík – snjallari leið til að eiga sinn stað í borginni

ágúst 27, 2026
By Hörður Harðarson

Heimkoma byggir á einfaldri hugsun: Fólk á að geta átt vandaða fasteign í samræmi við það hversu mikið það hyggst nota hana. Nú færum við þessa hugsun inn í Reykjavík.

Heimkoma Reykjavík er ný leið til að eiga sinn stað í borginni. Kaupandi eignast einn af átta eignarhlutum í vandaðri íbúð, fær sex vikur eða 42 daga á ári til ráðstöfunar og deilir kostnaði og rekstri með öðrum eigendum. Heimkoma sér um rekstur, umsjón og viðhald.

Fyrsta íbúðin hefur þegar verið keypt í nýbyggingu við Laugaveg 170 á Heklureit. Hún er í byggingu og miðað er við afhendingu snemma árs 2027.

Þriðja leiðin fyrir fólk sem þarf aðstöðu í Reykjavík

Margir koma reglulega til Reykjavíkur vegna vinnu, funda, heilbrigðisþjónustu, fjölskyldu, menningar eða tómstunda án þess að búa þar að staðaldri. Valkostirnir hafa oft verið að kaupa gistingu fyrir hverja ferð eða kaupa heila íbúð sem stendur lítið notuð stóran hluta ársins.

Heimkoma Reykjavík bætir við þriðja valkostinum: Þú átt þinn eigin stað, en deilir fjárfestingu og rekstri með öðrum sem hafa sambærilega þörf.

Svona virkar Heimkoma Reykjavík

Fyrirkomulagið er skýrt:

Kaupandi eignast einn af átta eignarhlutum í íbúðinni.
Hverjum hlut fylgja sex vikur eða 42 dagar á ári.
Eigendur bóka daga í einföldu kerfi samkvæmt reglum um lengd dvala og sanngjarna skiptingu eftirsóttra tímabila.
Hægt er að kaupa fleiri en einn hlut ef þörf er á meiri tíma.
Heimkoma sér um rekstur, umsjón og viðhald.

Bókunarreglurnar og nánari útfærsla eignarhaldsins eru kynnt áður en gengið er frá kaupum. Þetta er ekki áskrift að gistingu eða hefðbundið tímaskiptakerfi. Kaupandinn eignast hlut í fasteigninni.

Minni fjárbinding og nýting sem passar þörfinni

Kaup á heilli íbúð í Reykjavík kalla á verulega fjárbindingu. Ef íbúðin er aðeins notuð hluta ársins er ekki sjálfgefið að skynsamlegast sé að eiga og reka hana alla.

Með Heimkomu Reykjavík eignast kaupandinn þann hlut sem hann hefur not fyrir, fær sex vikur eða 42 daga á ári og deilir rekstrarkostnaði með öðrum eigendum. Ef þörfin eykst er hægt að kaupa fleiri en einn hlut.

Markmiðið er ekki að eiga sem minnst, heldur að eiga í samræmi við notkunina.

Fyrsta íbúðin á Heklureitnum

Heimkoma hefur fest kaup á fyrstu íbúðinni við Laugaveg 170 á Heklureit. Við valið var lögð áhersla á miðlæga staðsetningu, hönnun, efnisval og faglega framkvæmd.

Samkvæmt upplýsingum um verkefnið er meðal annars lögð áhersla á:

gólfsíða glugga og góða náttúrulega birtu,
gólfhita,
sérsmíðaðar ítalskar innréttingar,
vandaðan tækjabúnað,
og efni sem henta vel til langtímanotkunar.

Eignin þarf jafnframt að henta sameiginlegu eignarhaldi og standast H-klassa Heimkomu, sem tekur meðal annars til gæða, endingar, búnaðar og reglulegs eftirlits.

Fullbúin íbúð – allt til staðar

Íbúðin verður fullbúin með húsgögnum, heimilistækjum og öðrum húsbúnaði. Eigendur þurfa því ekki að innrétta eða útbúa hana sín á milli; markmiðið er að allt sé tilbúið þegar þeir koma.

Uppfærsla búnaðar er hluti af viðhaldinu. Heimkoma heldur utan um viðgerðir og endurnýjar húsgögn, heimilistæki og húsbúnað þegar þau skemmast, slitna eða eru orðin gömul og þreytt. Kostnaðurinn tilheyrir rekstri eignarinnar og skiptist samkvæmt rekstrarfyrirkomulagi hennar.

Hverjum hentar Heimkoma Reykjavík?

Fyrirkomulagið getur meðal annars hentað:

fólki utan höfuðborgarsvæðisins sem kemur reglulega til Reykjavíkur,
Íslendingum erlendis sem vilja eiga sinn stað þegar þeir koma heim,
fyrirtækjum sem senda starfsfólk eða samstarfsaðila reglulega til borgarinnar,
og öðrum sem þurfa vandaða aðstöðu í Reykjavík hluta ársins.

Íbúðin getur nýst fyrir vinnuferðir, fundi, læknisheimsóknir, fjölskylduheimsóknir, viðburði, lengri dvalir og borgarhelgar. Fyrirtæki geta keypt eignarhlut með sama hætti og einstaklingar og fleiri en einn hlut ef þau þurfa meiri tíma.

Fyrirkomulagið getur einnig komið til greina fyrir erlenda kaupendur sem vilja eiga fasteign á Íslandi án þess að kaupa og reka heila íbúð.

Heimkoma sér um reksturinn

Sameign þarf skýra umgjörð. Heimkoma sér um daglegan rekstur, reglulegt eftirlit, viðhald, viðgerðir, tryggingar, nauðsynlegt utanumhald og samræmingu milli eigenda.

Eigendur sjá lausa daga og velja sinn tíma í einföldu bókunarkerfi. Sameiginlegar reglur stuðla að sanngjarnri skiptingu.

Eigandinn getur því einbeitt sér að því sem eignin er keypt fyrir: að nota og njóta íbúðarinnar.

Sveigjanleg nýting daganna

Eigendur geta nýtt dagana í styttri ferðir eða lengri dvalir að því marki sem bókunarreglur leyfa. Ef eigandi hyggst ekki nýta alla sína daga getur hann valið útleigu samkvæmt því fyrirkomulagi sem Heimkoma býður hverju sinni.

Eigendur Heimkomu geta einnig óskað eftir þátttöku í samstarfi við THIRDHOME. Þar má gera samþykkta viku sem ekki verður nýtt aðgengilega og fá ferðainneign til að bóka lausa dvöl í öðrum eignum. Þátttaka er valkvæð og gildandi framboð, gjöld og skilmálar gilda.